إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Dünyada

Putin və Ərdoğanın imzaladığı İdlib anlaşmasının 10 bəndinin detalları açıqlanıb

Soçidə keçirilən zirvə toplantısında Rusiya və Türkiyə prezidentlərinin İdliblə bağlı imzaladığı atəşkəs razılaşmasının 10 bəndinin yer aldığı anlaşmanın mətni açıqlanıb.

Ahlibeyt.az-ın Aalamnews-a istinadən məlumatına görə, əl-Məyadin telekanalı Vladimir Putin və Rəcəb Təyyib Ərdoğanın 17 sentyabrda əldə etdikləri İdlib anlaşmasının 10 bəndinin detallarını ehtiva edən mətni yayımlayıb.

İdlib anlaşmasında gələn 10 bəndin mətni belədir:

1-    İdlibdə qarşıdurmanın dayandırıldığı və deskalasiya zonasının qorunması üçün addımların atılması, Türkiyənin nəzarət mövqelərinin gücləndirilməsi və nəzarətin davam etdirilməsi.

2-    Rusiya Federasiyası hərbi əməliyyatların olmaması üçün lazımi tədbirləri görəcək, İdlibə hücum olmayacaq və mövcud vəziyyət qalacaq.

3-    Deskalasiya zonasında 15-20 km enliyində silahın olmadığı zona yaradılacaq.

4-    Növbəti danışıqlarla deskalasiya zonasının dəqiq sərhəd və xətləri müəyyənləşdiriləcək.

5-    Oktyabr ayının 15-ə qədər deskalasiya zonasından bütün radikal terror birləşmələri uzaqlaşdırılacaq.

6-    Oktyabr ayının onunadək deskalasiya zonasında tərəflərin tankları, raketatanları, topları, minaatanları çıxarılacaq.

7-    Türkiyənin Silahlı Qüvvəələri və Rusiya Federasiyasının hərbi polisi koordinasiya edilmiş patrul və nəzarət əməliyyatları ilə, pilotsuz uçan aparatlarla deskalasiya zonasında  yerli sakinlərin hərəkətini, əmtiələrin daşınmasını, ticari və iqtisadi əlaqələrin yenidən bərpasını təmin edəcəklər.

8-    Bölgədə  avtoban yolunda gəliş gediş bərpa ediləcək. 2018-ci ilin sonunadək M4 (Hələb-Laziqiya) və M5 (Hələb-Həma) yolunda gediş-gəliş başlayacaq.

9-    İdlibdə deskalasiya zonasında atəşkəsin davamlı olmağına təminat vermək üçün fəal tədbirlər görüləcək. Buna görə Türkiyə, İran və Rusiyanın birgə koordinasiya mərkəzinin işi möhkəmləndiriləcək.

10- İki tərəf yenidən Suriyada terrorun bütün növünə qarşı mübarizəni aparmaqda niyyətli və əzmli olduğunu bildirirlər.

Qeyd edək ki, sentyabır ayının sonunda BMT Baş Assambleyası çərçivəsində Rusiya, İran və Türkiyə XİN rəhbərlərinin görüşü keçiriləcək.


Saytın materiallarından istifadə edərkən istinad vacibdir!
22 Sentyabr, 2018  10:46 Çap

Bu bölmədə


© 2024 .Bütün hüquqlar qorunub.
Saytın materiallarından istifadə edərkən istinad vacibdir!