Türkiyənin dini azlıqlara qarşı ən kiçik bir problemi yoxdur - R.T.Ərdoğandan ABŞ-a cavab

Türkiyə Prezidenti Ərdoğan ABŞ-ın sanksiya açıqlamaları ilə bağlı "Təhdid dilinə bonus vermərik" - deyib.

Ahlibeyt.az-ın İslamazeri.com-a istinadən verdiyi xəbərə görə, Türkiyə Prezidenti və AKP sədri Rəcəb Tayyib Ərdoğan Ankara-Vaşinqton xəttində Branson gərginliyinə dair bəyanatlar verib.

ABŞ-ın sanksiya təhdidinə hər cür cavabın Milli Təhlükəsizlik Şurasının (MGK) bəyanatında deyildiyini ifadə edən Ərdoğan, bunları söyləyib:

"Bizə belə hədə ifadələri ilə yaxınlaşma heç kimə bir şey qazandırmaz. Biz bu günə qədər ABŞ ilə NATO-da ən gözəl həmrəyliyi nümayiş etdirdik, Koreyada onlarla bərabər olduq, onlarla birlikdə bir çox mübarizə etdik. Hələ də NATO-da ən yüksək səviyyədə həmrəyliyi nümayiş etdirən Türkiyəyə belə bir təhdid dili işlətmək yaraşmaz. Belə bir təhdid dilinə də, inciməsinlər, heç bonus vermərik. Bizlərin xarakterini onsuz da onların çox yaxşı bilməsi lazımdır. İkitərəfli olaraq da görüşdük. Prezidentlik mətbuat katibimizin, TBMM sədrimizin açıqlamaları var. Tək dillə bu mövzudakı fikirlərimizi bölüşürük.

Dini azlıqların, məlum olan, dünən verdikləri açıqlama çox-çox əlamətdardır. Türkiyənin dini azlıqlara qarşı ən kiçik bir problemi yoxdur. Türkiyənin dini azlıqlara dair problemi yoxdur. ABŞ-da sionist anlayışın hədələyici dil istifadə etməsini qəbul etmək mümkün deyil".