İraqda keçiriləcək “II Beynəlxalq Ərbəin Ziyarəti Konfransı”na dəvət

Konfransda iştirak etmək istəyənlər Sentyabr ayının 1- dək məqalələr göndərməlidir

Ahlibeyt.az-ın İQNA-ya istinadən məlumatına görə, İmam Hüseyn (ə) hərəminin nəzdində fəaliyyət göstərən "Kərbəla araşdırmaq və tədqiqat mərkəzi" cari ilin payız aylarında "II Beynəlxalq Ərbəin Ziyarəti Konfransı" keçiriləcəyi barədə xəbər verib.

Həzrət İmam Hüseynin (ə) müqəddəs hərəminin nəzdində fəaliyyət göstərən "Kərbəla araşdırmaq və tədqiqat mərkəzi" bu barədə elan yayaraq ölkə daxilindəki alimlərlə yanaşı  xarici alimləri, araşdırmaçıları və universitet tələbələrini Kərbəla şəhərində keçiriəcək bu konfransda iştirak etməyə dəvət edib.

Bu elmi konfrans "Ərbəin ziyarəti, özünüislah meracı və mənəvi təlim metodu" adı ilə keçiriləcək.Konfransa göndərilmiş məqalələr "əs-Sibt" elmi jurnalında çap ediləcəkdir.

İraqda keçiriləcək "II Beynəlxalq Ərbəin Ziyarəti Konfransı"nın əsas hədəfi Ərbəin ziyarətini sənədləşdirmək, bu dini və ictimai simvolun İraqın və dünyanın mədəni irsi və mədəniyyətindəki rolunu açıqlamaq və bu ziyarətin bəşəriyyət üçün faydalarını bəyan etməkdir. Digər hədəfi Ərbəin ziyarətindən dinlərarası dostluq münasibətlərinin möhkəmlənməsindəki təsirindən faydalanmaqdır.

Bu konfransda iştirak etmək istəyənlər cari ilin Sentyabr ayının birinədək məqalələrini "WORD" formatında və öz tərcümeyi-halları ilə birlikdə konfransın elmi komitəsinə göndərməlidirlər.