Suriya-ABŞ arasında ilk quru toqquşması: Əsgərlər və dinc sakinlər bombardman edildi

Qərb koalisiyası dinc sakinləri bombardman edib.

Ahlibeyt.az-ın məlumatına görə,İslamazeri.com-un SANA-ya istinadən verdiyi xəbərə əsasən, ABŞ-ın başçılıq etdiyi koalisiya Suriyanın Deyr-əz-Zor əyalətinin əş-Şafə kəndinə hava zərbələri endirib. Hücum nəticəsində 8 dinc sakin həyatını itirib.

Qeyd edilir ki, hücum zamanı yaralananlar da olub, çox sayda ev dağılıb.

Həmçinin Homs əyalətində, Palmiradan 150 km şərqdəki hökumət qüvvələrinin də mövqelərinə hava hücumu barədə xəbər verilir.

Hərbi mənbənin məlumatına görə, Suriya ordusunun 1 zabiti həlak olub.

Bombardman suriyalıların Əl-Həlba istiqamətində hərəkət edən ABŞ-a məxsus 3 maşına atəş açmasından sonra başlayıb.

Bildirilir ki, suriyalı hərbçilər və ABŞ-dan olan hərbçilər arasında qurudakı toqquşma ilk belə hal oldu.

Mənbənin sözlərinə görə, maşınlar ABŞ bazasının yerləşdiyi ət-Tənfdən hərəkət edirdi.