إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Dünyada

Əsəd: İndi “Hizbullah”-ın Suriyadan çıxarılması haqda söz gedə bilməz!

Suriya Prezidenti "Hizbullah" hərəkatı döyüşçülərini Suriyadan çıxarılması mövzusu barədə danışıb.

Ahlibeyt.az-ın məlumatına görə, İslamazeri.com-un “Əl-Ələm” telekanalına istinadən verdiyi xəbərə əsasən, Suriya Prezidenti Bəşər Əsəd bildirib ki, Livanın “Hizbullah” hərəkatının döyüşçülərindən Suriyanı tərk etmələrini istəmək üçün hələ çox tezdir, terrorçuluqla mübarizə hələ uzun müddət davam edəcək.

“Söhbət ölkələr arasındakı 3 qat ittifaqdan gedir, lakin “Hizbullah” bu müharibədəki əsas iştirakçıdır. Müharibə uzun müddət davam edəcək və bu qüvvələrə hələ uzun müddət ehtiyac olacaq. “Hizbullah”, İran və digərləri terrorçuluğa qalib gəldiklərini dedikdə, onların özləri vətənlərinə geri dönmək istədiklərini deyəcəklər... Lakin bu mövzu barədə danışmaq üçün hələ çox tezdir.”, - deyə Əsəd bildirib.

Xatırladaq ki, “Hizbullah” lideri Seyid Həsən Nəsrullah iyunun 8-i bildirmişdi ki, Suriya hökuməti müvafiq çağırışla müraciət etməyincə, hərəkatın döyüşçüləri bu ölkəni tərk etməyəcək. O qeyd edib ki, Suriyadan ilk müvafiq istək gələn kimi bütün “Hizbullah” döyüşçüləri bu ölkədən çıxarılacaq.

 

 

Saytın materiallarından istifadə edərkən istinad vacibdir!
14 İyun, 2018  11:24 Çap

Bu bölmədə


Xəbər lenti
© 2018 .Bütün hüquqlar qorunub.
Saytın materiallarından istifadə edərkən istinad vacibdir!
CMS Danneo
© Saytı düzəldib: 313wb.com