İslam ümmətinin mənafeyinə xatir sünni-şiə dialoqu çox vacibdir

əl-Əzhər Universitetinin rektoru Şeyx Əhməd ət-Təyyib sünni-şiə dialoqunun keçirilməsinin zəruri olduğunu bildirib.

O deyib ki, əgər bu gün müsəlmanlar kafir və xristian Qərblə müzakirələr aparırlarsa, daha gözəl olmazmı ki, sünnilər və şiələr öz aralarında dialoq qursunlar?

Əhməd ət-Təyyib deyib ki, şiələrin İslamı elə əhli-sünnənin İslamıdır. Füruid-dində bəzi ixtilaflarımız vardır, vəssalam.

əl-Əzhər şeyxi deyib ki, İslam ümmətinin mənafeyi üçün bu gün bu dialoq çox vacibdir. Əbəttə ki, biz bunda israrlıyıq ki, nə şiələr sünni ölkələrinə emissarlar göndərib şiəliyi təliğ etməməlidirlər və eyni zamanda da nə də əhli-sünnə bunu etməməlidir.

Bir çox ölkələrdən, o cümlədən, İrandan bir çox şiənin əl-Əzhər Universitetində təhsil aldıqlarını bildirən əl-Əzhər şeyxi deyib ki, İranda və digər ölkələrdə olan şiə alimləri də mənim fikirlərimlə yəni şiəliyin əhli-sünnənin, sünniliyin də şiələrin arasında təbliğ edilməməsilə həmrəydirlər.

əl-Əzhər şeyxi həmçinin əl-Əzhər Universitetinin keçmiş rektorlarından olan Şeyx Şəltutun fikirlərinə etiqad etdiklərini bildirərək deyib ki, əl-Əzhər şiələr və sünnilər arasında heç bir fərq qoymur. Çünki hər iki məzhəb şəhadəteyni iqrar edir.