Səudiyyənin hava hücumu nəticəsində “Ənsarullah” liderlərindən biri həyatını itirib

Səudiyyə qırıcılarının hücumu nəticəsində Yəmən "Ənsarullah" hərəkatının rəsmilərindən biri dünyasını dəyişib

Ahlibeyt.az-ın məlumatına görə,İslamazeri.com "alalam"a istinadən xəbər verir ki, Səud qırıcılarının hücumu nəticəsində "Ənsarullah" hərəkatının rəsmilərindən biri dünyasını dəyişib. Huseydəyə hücum zamanı "Ənsarullah" hərəkatının ikinci şəxsi, Ali Siyasi Şurasının sədri Saleh Səməd cümə axşamı Səud qırıcılarının Huseydəyə hava hücumu nəticəsində yaralandığı və sonra dünyasını dəyişdiyi önə çəkilir.

"Ənsarullah" bununla bağlı bəyanat yayaraq faktı təsdiqləyib. Yəməndə 3 günlük yas elan edilib. "Almasirah" telekanalı ilə çıxış edən hərəkatın lideri Seyid Əbdülməlik Əl Husi "Bu hücumun məsuliyyəti ABŞ və Səud rejiminin boynundadır və buna görə cavab veriləcək. Nə bu hücum, nə də digər hücumlar cavabsız qalmayacaq və heç bir hücum xalqımızın və dövlətimizin iradəsini qırmayacaqdır", -deyə bildirib.