Ali Xəlifə rejimi 14 fevral tarixinə ciddi hazırlıqlar görməkdədir

Bəhreyndən verilən son məlumatlara görə, Ali Xəlifə rejimi Bəhreyn inqilabının başlanmasının ildönümünə ciddi hazırlıqlar görməkdədir və ölkədə ciddi etirazların baş verməsinin qarşısını almaq fikrindədir.

Bildirilir ki, artıq Səudiyyə Ərəbistanından əlavə güclər Bəhreyndə yerləşdirilmişdir. Bundan əlavə Bəhreyn polisinə etiraz aksiyalarını dağıtmaq üçün ingilis və amerikalı instruktorlar təlimlər keçirlər.

Xarici jurnalist və korrespondentlərin Bəhreynə girişinə icazə verilməmələri də xəbərlər sırasındadır. Bir az əvvəl isə məlum olub ki, ölkəyə giriş-çıxış məhdudlaşdırılıb. Bəzi sərhəd keçid məntəqələri isə tamamilə bağlanmışdır.

Xatırladaq ki, Bəhreyndə etirazlar keçən il fevral ayının 14-də başlanmışdı və mart ayında ölkəyə daxil olan Ali Səud ordusunun dəstəyilə Ali Xəlifə polisi tərəfindən vəhşicəsinə dağıdılmışdı. İnqilabın başlanmasının ildönümü ərəfəsində isə Bəhreyn inqilabçıları yenidən küçələrə qayıdacaqlarını bəyan ediblər. O cümlədən Bəhreyn inqilabçılarını mərkəzi təşkilatı "Bəhreyn 14 fevral Koalisiyası" da Bəhreyn xalqından 14 fevral tarixini qeyd etmək üçün bəhreynliləri meydanlara axışmağa dəvət edən bəyanat yayıb.