Bakıda Azərbaycan xarici işlər naziri Elmar Məmmədyarov, İran xarici işlər naziri Məhəmməd Cavad Zərif və Türkiyə xarici işlər naziri Mövlud Çavuşoğlunun iştirakı ilə Azərbaycan, İran və Türkiyə xarici işlər nazirlərinin beşinci üçtərəfli görüşü keçirilib.

Ahlibeyt.az-ın verdiyi xəbərə görə,görüşün yekununda birgə Bəyannamə qəbul olunub.

Görüşdən sonra keçirilən birgə mətbuat konfransında Türkiyə XİN başçısı Mövlud Çavuşoğlu bildirib ki, Azərbaycan, Türkiyə və İran xarici işlər nazirlərinin növbəti üçtərəfli görüşü Türkiyədə olacaq.

M. Çavuşoğlu əlavə edib ki, Bakıda bu gün keçirilən görüşdə üç ölkənin iş adamlarının bir araya gətirmək barədə də razılığa gəlinib.