إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Dünyada

ABŞ Bəşar Əsədin hakimiyyətdə qalmasına maneə törətmək niyyətində deyil

Rəsmi Vaşinqton Suriya Prezidenti Bəşşar Əsədi 2021-ci ilədək hakimiyyətdən uzaqlaşdırmaq niyyətində deyil.

Ahlibeyt.az "Report"a istinadən xəbər verir ki, "The New Yorker" jurnalının avropalı və amerikalı rəsmilər arasında olan mənbələrinin ötürdüyü məlumata əsasən, Donald Tramp administrasiyası Suriyada 2021-ci ildə keçiriləcək növbəti prezident seçkilərinə qədər Prezident Bəşşar Əsədin hakimiyyətini qəbul etməyə hazırdır.

"Bu qərar hər dəfə Əsədin istefasının sülh yolu ilə nizamlanmanın əsas elementlərindən biri olmasının zəruriliyini vurğulayan ABŞ-ın geriyə addım atmasıdır", - nəşr vurğulayıb.

Məqalədə bildirilir ki, Moskvanın Bəşşar Əsədi hava dəstəyi ilə təmin etməsi dönüş nöqtəsi olub və Suriya prezidentinin hakimiyyətini qorumasına imkan verib.

Jurnalın mənbələrinin məlumatına görə, ABŞ rəsmiləri həmçinin B.Əsədin 2021-ci ildə Suriyada keçiriləcək seçkiləri də bu və ya digər yolla qazanacağından və hakimiyyətdə qalacağından narahatdır.

 

 

Saytın materiallarından istifadə edərkən istinad vacibdir!
12 Dekabr, 2017  10:27 Çap

Bu bölmədə


© 2024 .Bütün hüquqlar qorunub.
Saytın materiallarından istifadə edərkən istinad vacibdir!