İranlı zəvvarların quru yolla Suriyaya daxil olmaları qadağan edilib

İran Təhlükəsizlik Qüvvələri Pasport və Əcnəbilər Polisi İdarəsinin rəisi Mahmud Sadiqi iranlı zəvvarların Suriyaya quru yolla daxil olmalarının qadağan edildiyini bildirib.

General Mahmud Sadiqi deyib ki, Suriyada fəaliyyət göstərən terrorçuların fəallaşması səbəbindən idarə bu addımı atmağa məcbur olub.

General Mahmud Sadiqi Suriyaya ziyarətə getmək istəyənlərdən hava yolundan istifadə etməyi və yalnız Həcc və Ziyarət təşkilatının tabeçiliyində olan şirkətlərin xəttilə ziyarətə getmələrini tövsiyə edib.

Xatırladaq ki, son on gün ərzində Suriya ərazisində hökümət əleyhinə fəaliyyət göstərən terrorçular 20 nəfərdən artıq iranlı zəvvarı oğurlayıblar ki, onlar barədə indiyə kimi heç bir məlumat əldə etmək mümkün olmamışdır.