"Nəcəfdən Kərbəlaya Ərbəin sərgisi"ndə 15 ölkə iştirak edir

Həzrət İmam Hüseynin(ə) Kərbəla məktəbi və Aşura hərəkatının 5-ci incəsənət sərgisi on beş müsəlman dövlətinin, iştirakı ilə Nəcəf- Kərbəla yolunda təşkil edilmişdir.

ahlibeyt.az-ın iqna-ia istinadən məlumatına görə,bu sərgi İraqın Nəcəful-Əşrəf şəhərinin "İbda" (Yaradıcı) incəsənət kolleksiyası kompleksinin təşəbbüsü ilə keçirilir.

Sərgi "İmam Hüseyn (ə) yolunda yaradıcılıq" devizi ilə ƏRBƏİN zəvvarlarının Nəcəf şəhərində Kərbəlaya getdikləri yolda təşkil edilmişdir.

Bu sərgidə 15 ölkənin, o cümlədən Ərəb ölkələri, Bəhreyn, İraq, Ərəbistan, Hindistan, Pakistan, İngiltərə, Rusiya, Küveyt, Livan, Əlcəzayir və İran İslam Respublikasından Əhli-Beyt (ə) aşiqləri olan elm və incəsənət adamları öz əsərləri ilə iştirak edirlər.

Sərgini təşkil edənlərin bu barədə verdiyi açıqlamaya görə, bu sərgi İmam Hüseyn(ə) məktəbinin fəlsəfəsini incəsənət dili ilə insanlara, xüsusilə də avropalılara çatdırmaq üçün keçirilir.Bildirilib ki,Aşura məktəbi ümumbəşəri bir məktəbdir və təkcə hansısa bir qrupun, millətin və məzhəbin inhisarında deyil.