Samirə şəhəri İmam Həsən Əskərinin(ə) şəhadət gününün qeyd edilməsinə hazırdır

İraqın Samirə şəhərinin hərbi birləşmələrinin komandanı General Rəşid Fəlih Samirə şəhərinin İmam Həsən Əskərinin(ə) şəhadət gününün qeyd edilməsinə hazır olduğunu bildirib.

Rəşid Fəlih bildirib ki, artıq bir neçə gündür hərbi birləşmələr hazırlıq vəziyyətindədirlər və Hz.İmam Həsən Əskərinin(ə) zəvvarlarının təhlükəsizliyinin keşiyindədirlər.

Təhlükəsizlik tədbirlərinin şəhər bələdiyyəsi və təhlükəsizlik nazirliklərinin birgə həyata keçirəcəklərini bildirən General Rəşid Fəlih terror aktlarının qarşısının alınacağını bildirib.

Samirənin təhlükəsizliyini artırmaq üçün Bağdaddan 7 təhlükəsizlik qrupunun Samirəyə ezam edildiyini deyən General Rəşid Fəlih şəhərin ətrafında döpd dövrəli mühafizə zəncirinin təşkil edildiyini bildirib.

Xatırladaq ki, Rəbiul-əvvəl ayının 8-i yəni fevral ayının 1-i İmam Həsən əskərinin(ə) şəhadət günüdür.