əs-Səfir qəzeti: NATO Liviyanı bombalayan zaman İmam Musa Sədr sağ idi

Livanın əs-Səfir qəzeti iki Liviya hakiminin Livanda keçirdiyi görüşlər zamanı səsləndirdiyi fikirlərə əsasən bildirir ki, bir məlumata əsasən İmam Musa Sədr 1994-cü ilə kimi, digər məlumatlara əsasən isə NATO Liviyanı bombalayan zamana kimi sağ olmuşdur.

Qəzet yazır ki, həmin hakimlərin bildirdiyinə görə, İmam Musa Sədrin oğurlanmasında adları hallanan və onun taleyi barədə məlumatlı olan bəzi şəxslər hal-hazırda ölkədən qaçmışlar və bu İmam Musa Sədrin taleyinin araşdırılmasında maneə yaratmaqdadır.

Həmin şəxslərin bəzi ərəb ölkələrinə qaçdığını bildirən hakimlər deyiblər ki, həmin ərəb ölkələrinin onlara sığınacaq verərək onları qoruması da təəccüb doğurmaqdadır.

Hakimlərin görüşlərdə bildiriblər ki, əldə olunan məlumatlara görə, İmam Musa Sədr 1994-cü ilə kimi sağ olmuşdur. Digər məlumatlar isə onun NATO Liviyanı bombalamağa başlayan zamana kimi sağ olduğunu göstərməkdədir ki, bunlar dəqiq araşdırılacaqdır.