Kaliforniyada "Aşura" ilə əlaqədar “Say Ya Hussein” kampaniyası

Beynəlxalq “Say-ya-Hussein” (De Ya Hüseyn) təşkilatı Amerikanın Kaliforniya ştatında maraqlı bir aksiya elan edib.

Ahlibeyt.az-ın Maide.Az-a istinadla məlumatına görə, bir neçə aydır ki, Aşura hadisəsini və İmam Hüseyn(ə)ın haqq çağırışını dünyaya çatdırmaq məqsədi ilə yeni kampaniyaya başlayıb.

Kaliforniyada təsis olunan "Aşura” təşkilatı İmam Hüseyni (ə) dünyaya tanıtmaq məqsədi ilə "Say ya hussein” beynəlxalq kampaniyasına start verib.

Təşkilat İmam Hüseynə (ə) aşiq olan bütün şəxslərə müraciət ünvanlayaraq bu kampaniyaya qoşulmasını istəyib. Məqsəd İmam Hüseyni (ə) dünyaya tanıtmaqdır.

Çağırışda İmam Hüseyn (ə) aşiqlərindən bir kağızın üzərində "#SayYaHussein” yazaraq əllərində tutub şəkil çəkdirmək və sosial şəbəkələrdə paylaşmaq xahiş edilib.

Qeyd edək ki, "Aşura” təşkilatı həmçinin islamofobiya ilə mübarizə, Aşura həqiqətlərini xüsusi mütəxəssislərdən istifadə etməklə sosial mediada yaymaq və digər bu kimi işlərlə məşğul olacaq.