Suriya ordusu və "Hüzbullah" qüvvələrindən terrorçulara ilk ağır zərbə

Livan-Suriya sərhədində terrorçulara qarşı genişmiqyaslı əməliyyat başladılıb.

Ahlibeyt.az-ın İslamazeri.com-a istinadən məlumatına görə, “Reuters”in məlumatına  əsasən, Livanın “Hizbullah” hərəkatı Suriya ordusunun dəstəyi ilə Livan-Suriya sərhədindəki terrorçuların mövqelərinə hücuma keçib.

Əməliyyatın hərbi komandanlığının nümayəndələri bildirirlər ki, əməliyyatın məqsədi Livanın Ərsal şəhərinin rayonu və Suriyanın Qələmun dağlıq rayonunda “Nusra Cəbhəsi” terrorçularının işğalı altında olan ərazilərin təmizlənməsidir.

Əməliyyatın hazırlıq mərhələsində, terrorçuların Livanın dərinlilərinə doğru qaçmasının qarşısını almaq üçün Livan ordusu Ərsal rayonuna əlavə hərbi qüvvə göndərib.

Artıq qeyd edilir ki, “Hizbullah” döyüşçüləri və Suriya hərbçiləri Flita rayonundakı “Tel-Burkan” yüksəkliyini terrorçulardan azad edib. Terrorçular ağır itkilər veriblər və geri çəkilirlər.

“Hizbullah”  Kənzəh rayonu və Kariyə dərəsi istiqamətində irəliləməyə davam edir.

Xatırladaq ki, 2014-cü ilin avqust ayında İŞİD terrorçuların və onların müttəfiqləei Ərsala soxulublar. Lakin işğalçı qüvvələr tezliklə Livan ordusu tərəfindən məğlub edilərək, geri çəkilməyə məcbur ediliblər. Ərsal uğrundakı döyüş Livan ərazisində İŞİD terrorçuları ilə baş vermiş ən böyük toqquşmalardan biri oldu.