Moskvada "Türkiyə axşamı" adlı iftar proqramı təşkil edilib

Rusiyanın paytaxtı Moskvada "Türkiyə axşamı" adlı iftar proqramı təşkil edilib.

Ahlibeyt.az-ın Salamnews-a istinadla verdiyi xəbərə görə, Zəfər parkında qurulan Ramazan çadırında təşkil edilən iftar yeməyində Türkiyənin Moskvadakı səfiri Hüseyin Diriöz, Rusiya Müftilər Şurasının sədr müavini Ruşan Abbasov da iştirak ediblər.

Moskva Müftiliyi və Türkiyə səfirliyinin birgə hazırladığı proqram "Qurani-kərim"in tilavəti ilə başlayıb.

"Mübarək Ramazan ayı münasibətilə bizi eyni dam altında görüşdürən bu cür tədbirlərin Türkiyə və Rusiya müsəlmanları arasındakı ortaq tariximizdən qaynaqlanan inanc və könül bağlarının daha da güclənməsinə kömək edəcəyinə inanıram.”, - səfir Diriöz proqramdakı çıxışında bildirib.