Bəhreyn şəhidərinin sayı 59-a çatdı

Bəhreyndən verilən son məlumatlara görə, Ali Xəlifə dünən ölkədə keçirilən Ərbəin mərasimlərinə hücumlar təşkil edib ki, nəticədə 81 yaşlı əs-Seyyidə Səlma Əbdül-Möhsün adlı xanım polisin istifadə etdiyi zəhərli qazlardan zəhərlənərək şəhid olub.

Bar-Bar məntəqəsində baş vermiş hadisənin şahidlərinin bildirdiyinə görə, mərhumun yaşının çox olması onun zəhərlənəndən bir saat sonra şəhid olmasına səbəb olub.

Xatırladaq ki, gələn ay bir il tamam olacaqdır ki, Bəhreyn şiələri Ali Xəlifə rejiminə etiraza başlayıblar. Etirazlar nəticəsində 59 nəfər şəhid olmuş, onlarla bəhreynli həbs edilmiş, yüzlərlə şiə etiraz aksiyalarında iştirak etdiklərinə görə institutlardan və dövlət idarələrindən qovulmuş, həmçinin onlarla şiələrə məxsus hüseyniyyə və məscid dağıdılmışdır.