Müsəlmanları təhqir edən xristian qubenator həbs edildi

İndoneziya paytaxtının qubernatoru həbs edilib.

Ahlibeyt.az-ın İslamazeri.com-a istinadən verdiyi xəbərə görə,bu barədə “Assocciated Press” məlumat yayıb.

Xəbərə əsasən, İndoneziya məhkəməsi paytaxt Cakarta şəhərinin xristian qubernatoru Basuki Çaxaya Purnamanı Quranla bağlı səsləndirdiyi təhqiramiz fikirlərə görə 2 il müddətinə azadlıqdan məhrum edib.

Məhkəmə qərara alıb ki, Purnama hamının müqəddəs saydığı bir şeyi təhqir etdiyinə görə müqəssirdir. Qubernator bildirib ki, qərardan apellyasiya şikayəti edəcək. Bildirilir ki, prokurorlar qubernatorun azadlıqdan məhrum edilməsində israr etmirdilər, əksinə məmurun şərti azadlıqdan məhrum etməyi məsləhət görürdülər.

Qeyd edək ki, Purnama son 50 il ərzində bu vəzifəyə seçilmiş ilk xristian qubrnator və ilk etnik çinlidir. 2014-cü ildə Purnamanın keçmiş rəisi Coko Vidodo ölkə Prezidenti seçildikdən sonra o, bu vəzifəni tutub.