İŞİD terrorçuları qaçqın düşərgəsində qətliam törətdi

İŞİD terrorçuları qaçqın düşərgəsinə hücum edərək dinc sakinlərə divan tutdular.

Ahlibeyt.az-ın İslamazeri.com -a istinadən verdiyi xəbərə əsasən, İŞİD terrorçuları Suriya-İraq sərhədində yerləşən əl-Saliba sərhəd keçid məntəqəsinin yaxınlığında yerləşən müvəqqəti qaçqın düşərgəsinə hücum edərək, qətliam törədib.

Hadisə nəticəsində 22 nəfər qətlə yetirilib.

Məlumata əsasən, terrorçular iraqlı və suriyalı qaçqınlara divan tutublar. Təqribən 35 nəfər yaralı əl-Həsəkə şəhərinin xəstəxanalarına çatıdırılıblar.

“Suriya Demokratik Qüvvələri”nin döyüşçüləri düşərgə üzərindəki nəzarəti bərpa ediblər. Terrorçular düşərgə ərazisindən geri çəkildikdən sonra, kürd dəstələri və kürd qırmızı ayparasının əməkdaşları axtarış-xilasetmə əməliyyatına başlayıblar.