İŞİD Parisdəki atışmaya görə məsuliyyəti öz üzərinə götürüb

İŞİD terror qruplaşması Parisdəki atışmaya görə məsuliyyəti öz üzərinə götürüb.

Ahlibeyt.az-ın APA-ya istinadən verdiyi xəbərə görə, məlumat “FransPress” tərəfindən yayılıb.

Xəbərdə bildirilir ki, bu barədə İŞİD terror qruplaşması ilə əlaqəli sayt məlumat yayıb.

Bundan əvvəl Fransa paytaxtının mərkəzində atışmanın baş verdiyi, nəticədə bir polis əməkdaşının öldüyü, daha iki nəfərinin yaralandığı barədə məlumat verilmişdi.

Hücum edənlərin iki nəfər olduğu bildirilir. Cinayətkarlar "Kalaşnikov" tipli avtomat silahdan atəş açıblar. Onlardan biri cavab atəşi ilə öldürülüb, digəri isə hadisə yerindən qaçıb.

Cinayətkarın axtarışı davam etdirilir.

Polis insidentlə əlaqədar hələlik heç bir versiya səsləndirməyib. Hadisə Paris prokurorluğunun antiterror idarəsi tərəfindən araşdırılır.