Hindistan müsəlmanları Salman Rüşdinin səfərinə etiraz edirlər

Hindistanın müsəlman icmaları İslam Peyğəmbərini(s) öz əsərində təhqir etmiş mənfur Salman Rüşdinin Hindistana səfər etməsinə etiraz edərək hökümətdən onun səfərini qadağan etməsini istəyiblər.

Müsəlman icmaları Salman Rüşdinin Hindistana səfər etməsini müsəlmanların heysiyyatını təhqir kimi qiymətləndiriblər.

Hindistanda dünyaya gəlmiş Salman Rüşdi isə Hindistana səfər etməsində heç kimin icazəsinə ehtiyac duymadığını bildirib.

Xatırladaq ki, Salman Rüşdi 1988-ci ildə çap etdirdiyi "Şeytan ayələri" əsərində İslam dinini və müqəddəsatını təhqir etdiyi üçün elə həmin il İmam Xomeyni(r) tərəfindən onun ölüm hökmü verilmişdi. Bəzi məlumatlara görə bu fətvadan sonra Böyük Britaniyaya pənah aparan Salman Rüşdi öldürülməsindən ehtiyat edərək üzündə bir neçə dəfə plastik cərrahiyyə əməliyyatı keçirmişdir.