Dünyanın ən mərhəmətsiz camaatı qərblilərdir

Ayətullahul-Üzma Şeyx Məkarim Şirazi bu gün xaric dərsinin əvvəlində İraqda və Suriyada törədilmiş terror aktlarına münasibət bildirib.

Baş vermiş terror aktlarını şiddətlə qınayan Ayətullah Şirazi deyib: "Fikrimcə dünyada ən mərhəmətsiz camaat qərb camaatıdır. Hamıya aydındır ki, presedenti olmayan insanlığa zidd və dəhşətli bu cinayətlər yalnız ABŞ, İsrail və bəzi marionet olan ərəb ölkələri tərəfindən həyata keçirilir. Onlar çirkin maddiyyatını təmin etmək üçün su yerinə qan axıtmağa və günahsız insanları belə tikə-tikə etməyə hazırdırlar. Təki mənafelərini təmin etsinlər".

Mərcei-təqlid daha sonra deyib ki, bunun üçün ən gözəl üslub olaraq onlar ölkə daxilində qarşıdurmalar yaradır yaxud bölücülük edir ya da həmin ölkəni zəiflədirlər. Məhz bu səbəbdən müsəlmanlar ayıq olmalıdırlar ki, onların istəkləri nakam qalsın.

Bütün vicdanı oyaq şəxslərin bu cinayətləri məhkum etməyə çağıran mərcei-təqlid Allahdan istəyib ki, həmin cinayətləri törədənlərin kökünü kəssin.