Danimarkada hicablı işsizlərlə bağlı sərt qərar

Danimarkada baş örtüyünü çıxarmayan qadınlar işsizlərə verilən müavinətdən məhrum ediləcəklər.

Ahlibeyt.az-ın "Report"a istinadən xəbər verir ki, yeni qərara əsasən hicabını çıxarmamaq üçün dövlətin təklif etdiyi işlərdə çalışmaq istəməyən işsizlərə müavinət verilməyəcək.

Artıq Danimarkanın ən böyük bələdiyyələrindən ikisi təklif olunan iş yerlərində baş örtüklərinin istifadə edilməməsi istəyinə qarşı çıxan və bu səbəbdən işi qəbul etməyən hicablı işsizlərin müavinətlərini kəsib.

Danimarkanın əmək qanunvericiliyinə görə, işsiz danimarkalılar işverən qurumların təklif etdiyi işlərin onlara uyğun olub-olmadığını müzakirə etmədən qəbul etməlidirlər.

Qeyd edək ki,bir müddət əvval Avropa Ali Məhkəməsi şirkət və dövlət idarələrində hicablı qadınların baş örtüyünün çıxarmauyacağı təqdirdə iş yerindən məhrum edilməsi halında məhkəmə orqanlarına şikayət hüquqlarının olmaması ilə bağlı qərar qəbul edib.