İŞİD İraq-İordaniya sərhədində hücum törədib, 15 iraqlı sərhədçi ölüb

İŞİD terrorçularının İraqın İordaniya ilə sərhəd məntəqəsində təşkil etdikləri hücumda ən azı 15 iraqlı sərhədçi həlak olub.

Ahlibeyt.az-ın SalamNews-a istinadla verdiyi xəbərə görə, bu barədə “France Presse” agentliyi məlumat verib.

Bildirilib ki, İŞİD üzvü olan kamikadze içərisi partlayıcı ilə doldurulmuş avtomobillə, o cümlədən silahlı şəxslərdən ibarət qrup Trebil şəhəri yaxınlığında sərhəd qoşunlarının ikinci polkuna hücum ediblər.

Terrorçular hücumu eyni anda bir neçə istiqamətdən həyata keçiriblər. Ölənlər arasında sərhəd xidmətinin iki zabiti də olub.