Belçikada vəhhabiliyin təbliği ilə bağlı həyəcan təbili

Belçikada fəaliyyət göstərən 80 məsciddən 30-da vəhabiliyin aktiv təbliğatı aparılır.

Ahlibeyt.az-ın islamazeri-yə istinadən verdiyi xəbərə görə,bu barədə “Islam-Today” məlumat verib.

Xəbərə əsasən, Belçikada fəal şəkildə vəhabilik ideologiyasının təbliğatı aparılır. Bu haqda məlumat ölkənin Daxili İşlər Nazirliyinin yaydığı məruzədə verilib.

“Hər gün daha da çox məscid və islam mərkəzi vəhhabiliyin təsiri altına düşür. Hazırda bu hal mövcud 80 məscciddən 30-da yaşanır. Bu ideologiya xüsusən də Brüssel, Mehelen və Antverpen şəhərlərində fəal şəkildə təbliğ olunur.”

Xatırladaq ki, radikal ideologiya ilə mübarizə çərçivəsində Belçika hökuməti ilk dəfə işləməyə başlayan imamların maaşına təxminən 3,3 milyon avro pul ayırıb.

Krallıq hakimiyyətinin fikrincə, yeni müsəlman ilahiyyatçıların fəal şəkildə dəstəklənməsi “inteqrasiya edilmiş” islamın maksimum şəkildə yayılmasına imkan verəcək.