Rustavidə Həzrəti Zeynəbin(s.ə) müvludu münasibəti ilə tədbir keçirilib - Foto

Gürcüstanın Rüstavi şəhərində BGMİ(Bütün gürcüstan Müsəlmanları İdarəsinin nəzdində fəaliyyət göstərən “Gürcüstan Müsəlman Qadınlar İcması”nın (GMQİ) təşkilatçılığı ilə Xanım Zeynəbin (s.ə) mövludu münasibəti ilə bayram mərasimi keçirilib.

Ahlibeyt.az-a GMİ-dən verilən məlumata görə,Rustavi şəhərindəki şadlıq saraylarının birində təşkil olunan mərasimdə Müsəlman Qadınlar İcmasının üzvləri ilə birgə, şəhər sakinləri ətraf rayon və kəndlərdən dəvət olunan xanımlar da iştirak edib.

Bayram süfrəsi ətrafında təşkil olunan mərasimdə öncə Lamidə Bayramova Qurandan ayələr tilavət etdi. Sonra mərasimin aparıcısı Gülsəfa Məmmədova məclisi açıq elan edərək çıxış üçün sözü GMQİnin idarə heyətinin üzvlərinə verdi.

Tədbirdə çıxış edən Gülşən Nemətova, Yeganə, Hüseynova, Şahnaz Həsənova, Günay Quliyeva, Sevda Səfərova və Səbinə Rzayeva Peyğəmbər (s) nəvəsi, Əli (ə) və Fatimə (s.ə) qızı və imamət bacısı Hz. Zeynəbin (s.ə) şəxsiyyət və fəzilətlərindən, onun xanımlara örnək olacaq fədakarlıq, iman, həya və paklığı haqqında və eləcə də Kərbəla vaqiəsində göstərdiyi əvəzsiz xidmətlərindən danışdılar, xanımın haqqında şeirlər oxudular.

Çıxışlardan sonra Hz. Zeynəbin həyatından bəhs edən video çarxlar və ilahilər nümayiş olunmaqla sona yekunlaşıb.