İran Prezidenti: Səudiyyə Ərəbistanı problemi özü başlatdı

"Bizim Ərəbistanla problemimiz Yəmən və Bəhreynin daxili məsələlərinə qarışmasına görədir..."

Ahlibeyt.az-ın İslamazeri.az-a istinadən verdiyi xəbərə görə,bu barədə “Al Alam”məlumat verib.

Xəbərə əsasən, İran prezidenti Həsən Ruhani Səudiyyə Ərəbistanının bölgədə atdığı yalnış addımlardan söz açıb. Mətbuat konfransında iştirak edən İran prezidenti Ruhani Ərəbistan mövzusuyla bağlı verilən suala cavab olaraq deyib:

“Bizim Ərəbistanla qonşu ölkə olaraq problemimiz yoxdur ki, həll etmək barədə də düşünək.

Ərəbistanla problemimiz Yəmən və Bəhreynin daxili məsələlərinə qarışmasına görədir.Səudiyyə Ərəbistanı problemi özü başlatdı.Yəmənə qarşı olan hücumları dayandırmaq Ərəbistanın xeyrinədir.

Bizim istəyimiz bölgədə sülh və sabitliyin yaranmasıdır.Ərəbistanın daxili məsələlərinə müdaxilə etmək barədə fikrimiz yoxdur.Bu ölkəni siyasi səhnədən silmək barədə düşünmürük.

Ümid edirik ki, bu ölkə düzgün yolu seçəcək. Belə olan halda biz Yəmən və digər məsələlər barədə bu ölkəyə yardım etməyə hazırıq.”