Hz. Məhəmməd Peyğəmbərin (s) qarşıdan gələn mübarək doğum günü münasibəti ilə Gürcüstan Müsəlmanları İdarəsi(BGMİ) şeir müsabiqəsi elan edib.

Ahlibeyt.az-a GMİ-dən verilən məlumatda bildirilir:

Əziz İslam Peyğəmbəri (s) haqda Azərbaycan və gürcü dillərində istənilən məzmunda, istənilən vəzndə yazılmış şeirlər (5 bənddən az olmamaq şərti ilə) müsabiqəyə təqdim edilə bilər. Müsabiqə iştirakçısının müsabiqə üçün yazdığı yeni şeir indiyə qədər heç yerdə dərc olunmamalıdır.

Yaş məhdudiyyəti qoyulmayan müsabiqədə ümumilikdə 10 (5 azəri və 5 gürcü dilləri üçün) mükafat nəzərdə tutulub. Hər iki birinci yer üçün 2000, ikinci yer üçün 1000, üçüncü yer üçün 800, dördüncü və beşinci yerlər üçün isə 500 lari nəzərdə tutulub.

Hz. Məhəmməd Peyğəmbərin (s) mübarək doğum günü münasibəti ilə keçirilən müsabiqə bu aydan başlayaraq 2017-ci ilin fevral ayının sonuna qədər davam edəcəkdir.

Müsabiqəyə təqdim edilən bütün şeirlər şairlər və ədiblərdən ibarət münsiflər heyəti tərəfindən dəyərləndirildikdən sonra antologiya şəkilində dərc edilib keçirilməsi nəzərdə tutulan “Şeir axşamı” tədbirində müəlliflərə, din xadimlərinə və qələm əhlinə hədiyyə olunacaqdır.

Müəlliflər şeirlərini fevralın 28-nə qədər  aşağıda göstərilmiş e-mail ünvana və ya İdarənin facebook səhifəsinə (müəllifin şəkli və haqqında qisa məlumat və əlaqə telefonu vacibdir) göndərməlidirlər.

E-mail: info.amag77@gmail.com Əlavə məlumat üçün telefon: +995 577623031

Təşkilatçılar: Gürcüstan Müsəlmanları İdarəsi

Türkiyə Diyanət İşləri Başkanlığının Gürcüstan nümayəndəliyi