ABŞ Suriya ordusu mövqelərinə zərbələr endirməyi nəzərdən keçirir

Müzakirə iştirakçılarından birinin sözlərinə görə, nəzərdən keçirilən variantlar arasında Suriya HHQ-yə məxsus uçuş-eniş zolaqlarına qanadlı raketlər və digər uzaq radiuslu silahlarla zərbələrin endirilməsi var.

Ahlibeyt.az-ın İslamazeri.az-a istinadən verdiyi xəbərə görə,bu barədə "The Washington Post" məlumat yayıb.

Bildirilir ki, ABŞ hökuməti Suriya münaqişəsinə hərbi müdaxilənin mümkünlüyünü gözdən keçirir.

Ötən həftə Ağ Evdə Dövlət Departamenti, Mərkəzi Kəşfiyyat İdarəsi (MKİ) və ABŞ Silahlı Qüvvələri Qərargah Rəislərinin Birləşmiş Komitəsinin (QRBK) görüşü baş tutub. Görüşdə Suriya ordusu mövqelərinə hava zərbələrinin endirilməsi məsələsi müzakirə olunub. Ehtimal edilir ki, məsələnin müzakirəsi prezident Barak Obamanın rəhbərliyi altında keçiriləcək Milli Təhlükəsizlik Şurasının iclasında da davam etdiriləcək. Görüş bu həftə sonu keçirilə bilər.

Müzakirə iştirakçılarından birinin sözlərinə görə, nəzərdən keçirilən variantlar arasında Suriya HHQ-yə məxsus uçuş-eniş zolaqlarına qanadlı raketlər və digər uzaq radiuslu silahlarla zərbələrin endirilməsi var. O cümlədən də, əməliyyatın gizli şəkildə keçirilməsi təklifi də səslənib.  Səbəb isə Ağ Evin BMT Təhlükəsizlik Şurasının icazəsi olmadan Suriya ordusu mövqelərinə  zərbələrin endirilməsinə qarşı etirazlarını ötüb keçməkdir.

Bundan əlavə, MKİ və QRBK-nin nümayəndələri Suriya rəhbərliyinə tuşlanmış bu hərəkətlərin mümkünlüyünü dəstəkləyiblər. Eyni zamanda bu strukturlarda hesab edirlər ki, Hələbin süqutu "ABŞ-ın Hələbdəki anti-terror məqsədlərini" poza bilər. Bununla yanaşı, Obamanın hava zərbələrinin endirilməsini təqdir edəcəyi az ehtimala sahibdir.