İraqda hazırda 3,3 milyon daxili qaçqın var

Ahlibeyt.az-ın İslamazeri.az-a istinadən verdiyi xəbərə görə,bu barədə "IslamToday" məlumat yayıb.

Məlumata əsasən, ABŞ dövlət katibinin müavini Entoni Blinken bildirib ki, İraq hərbçiləri beynəlxalq anti-terror koalisiyasının da yardımı ilə İŞİD terror təşkilatı tərəfindən işğal edilmiş ərazilərin yarısını geri qaytarmağa müvəffəq olublar.

O, qeyd edib ki, artıq yaxın zamanda ABŞ İraq üçün 181 milyon dollar yardım ayıracaq. Bu vəsait ölkədəki humanitar münaqişə ilə mübarizəyə xərclənəcək.

Xatırladaq ki, hazırda ABŞ-ın İraqa humanitar böhranla mübarizə üçün ayırdığı ümumi məbləğ artıq 1 milyard dolları keçib.

Hazırda azı 3,3 milyon ölkə sakini  məcburi köçkün hesab edilir. Mosulun İŞİD-dən azad edilməsi üzrə planlaşdırılmış əməliyyatın başlamasından sonra, bu rəqəm daha 1 milyon da arta bilər.