Ayətullah Seyyid Əli Xameneidən Həcc mesajı

İranın ali dini lideri Ayətullah Əli Xamenei Həcc mövsümünün başlanması münasibəti ilə dünya müsəlmanlarına müraciət ünvanlayıb.

Ahlibeyt.az-ın SalamNews-a istinadən verdiyi xəbərə görə, müraciətdə deyilir: “Həcc mövsümü müsəlmanlar üçün iftixarlı, nurani və mənəviyyatlı bir mövsümdür. Həcc ziyarəti müqəddəs bir vəzifə hesab olunur. Buna baxmayaraq, təəssüf ki, müsəlmanların təhlükəsizliyi Səudiyyə rejimi tərəfindən təmin edilmir. Müsəlmanlar bu müqəddəs ziyarət səfəri zamanı təhlükəsizlik baxımından narahatlıq keçirir, bu ziyarətin ləzzətindən məhrum olurlar.

İslam dünyası və bütün müsəlmanlar Səudiyyə hakimlərini tanımalı, onların imansız və maddiyyata bağlı olduqlarıni bilməli, onların törətdikləri cinayətləri unutmamalıdırlar. Mina hadisəsindən artıq bir il keçir. Keçən il həmin faciəvi hadisədə, bayram günündə neçə min nəfər ehram libasında, yandırıcı gün altında məzlumcasına can verdi. Ondan biraz qabaq Məscidul-Həramda da ibadət halında olan insanlar al-qana boyandılar. Səudiyyə hökuməti hər iki hadisədə müqəssirdir. Bütün orada olanlar və təhlilçilər bu hadisələrin qəsdən törədildiyini bildirirlər.

Builki həcc mövsümündə iranlı hacılar iştirak etmir, lakin onlar dünyanın müxtəlif ölkələrindən Həcc ziyarətinə getmiş hacılar üçün narahatlıq keçirirlər və onlar üçün dua edirlər”.