İran XİN: Türkiyənin Suriya ərazisinə hərbi müdaxiləsi regional vəziyyəti gərginləşdirir

İran XİN-i Suriyanın suverenliyinə hörmətlə yanaşılmasının vacib olduğunu qeyd edərək, Türkiyənin Suriyada davam etdirdiyi hərbi əməliyyatdan narahatlığını  bildirib.

Ahlibeytaz-ın Apa-ya istinadən məlumatına görə,bu barədə “TASS” agentliyi məlumat yayıb.

İran XİN-nin rəsmi nümayəndəsi Bəhram Qasemi bildirib:

“Regionun sülhsevər xalqlarının terrorçuluqla mübarizə aparmaq niyyəti və regional təhlükəsizliyin bərpa olunması istiqamətindəki səyləri Suriyanın ərazi bütövlüyünü pozmaq və Suriya hökuməti ilə razılaşdırmadan hərbi əməliyyatlar keçirmək üçün əsas ola bilməz."

Onun sözlərinə görə, Türkiyənin Suriya ərazisinə hərbi müdaxiləsi regional vəziyyəti gərginləşdirir: “Türkiyə ordusu hərbi əməliyyatlara son qoyaraq, dərhal Suriya ərazisindən çıxarılmalıdır”.