إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Azərbaycandan Həcc ziyarətinə sənəd qəbulu başa çatıb

Azərbaycandan bu il Həcc ziyarətinə sənəd qəbulu başa çatıb, nəzərdə tutulan limitdən əlavə daha 10 zəvvarın sənədi qəbul olunub.

 

Ahlibeyt.az-ın verdiyi xəbərə görə,Qafqaz Müsəlmanları İdarəsindən Apa-ya bildirilib ki, bununla da bu il Azərbaycandan Həcc ziyarətinə kvotada nəzərdə tutulmuş 1040 yox, 1050 zəvvar yola salınacaq.

 

Artırılan 10 zəvvar yeri VİP ziyarətə aiddir.

 

Qeyd edək ki, aprelin 1-dən Azərbaycanda Həcc ziyarətinə sənəd qəbulu başlayıb. Bu il ilk dəfə olaraq azərbaycanlı zəvvarlar Həccə yalnız biometrik pasportla gedə biləcəklər.

 

Ziyarət Azərbaycandan sentyabrın 2-də başlayacaq, 18-də geri dönüş olacaq. Bu il Azərbaycandan gedəcək zəvvarlar üçün say limiti ötənilkindən az - 1500 nəfər müəyyənləşsə də, sonradan bu rəqəm daha da azaldılaraq 1040-a endirilmişdi.

 

Ziyarət zamanı daha yaxşı şəraitli hotellərdə qalmaq, bahalı yeməklərlə təminat, o cümlədən hotellərdə 4 nəfərlik otaqlarda yerləşmək 4500 dollar, nisbətən ucuz şəraitli, 6 nəfərlik otaqlarda qalmaq isə 3500 dollardır.

 

Ziyarət haqqı bu il ilk dəfə olaraq bank vasitəsilə yox, nağd şəkildə QMİ-yə ödənilir. Dolların kursuna görə builki ziyarət xərcləri ötən illə müqayisədə təxminən 1000 manat bahadır.

 

Ötən il Azərbaycandan Həcc ziyarətinə 2400 zəvvar gedib, onlardan 3-ü Məkkədə dünyasını dəyişib və orada dəfn olunub.

 

Ötən il Həcc ziyarəti kütləvi insan ölümü ilə nəticələnən hadisələrin baş verməsi ilə də yadda qalıb. Azərbaycanda Həcc ziyarətinə sənəd qəbulunu yalnız QMİ aparır.

 

Saytın materiallarından istifadə edərkən istinad vacibdir!
22 Avqust, 2016  14:08 Çap

Bu bölmədə


Xəbər lenti





23 Oktyabr, 2017  10:57










© 2017 .Bütün hüquqlar qorunub.
Saytın materiallarından istifadə edərkən istinad vacibdir!
CMS Danneo
© Saytı düzəldib: 313wb.com