Bəhreynin Süleymaniyyə xəstəxanasında işgəncə otaqları yaradılıb

Bəhreyndə 14 fevral inqilabı yaralılarından bir qrupu ölkənin Süleymaniyyə xəstəxanasında Ali-Xəlifə rejim məmurları tərəfindən xəstələrin işgəncə edilməsini bildiriblər.

Əlnəxil internet xəbər portalının verdiyi məluma görə, sözü gedən xəstəxanada həkim nəzarətində olan 14 fevral inqilabı yaralılarından bir neçə nəfəri Bəhreyn gəncləri insan haqlarını müdafiə cəmiyyəti ilə görüşdə bildiriblər : Ali-Xəlifə rejiminin təhlükəsizlik məmurları xəstəxananın 6-cı mərtəbəsində təcridxana yaradıb və orada inqilabçı yaralıları işgəncə edirlər.

Yaralılardan biri deyib: Mən xəstəxananın 4-cü mərtəbəsində müalicə olunurdum. Lakin məni 6-cı mərtəbəyə apardılar və orada məmurların müxtəlif növlü işgəncə rəftarlarını gördüm .

Bel nahiyəsindən yaralanmış digər xəstələrdən biri də deyib: 15 martda xüsusi təyinatlı qüvvələrin hücumunda yaralandıqdan sonra , özümü Süleymaniyyə xəstəxanasında gördüm.

Əvvəldə 4-cü mərtəbədə idim ,lakin sonra məni 6-cı mərtəbəyə apardılar və orada müxtəlif işgəncələrə məruz qaldım.

Məlumatlı qaynaqların bildirdiyinə görə, Ali-Xəlifə rejiminin təhlükəsizlik qüvvələri Süleymaniyyə xəstəxanasının 6-cı mərtəbəsini inqilabçı yaralılara aid ediblər ki , orada inqilabçıları işgəncə verə bilsinlər.

Süleymaniyyə xəstəxanasındakı yaralıların Ali-Xəlifə rejimi məmurlarının yaralı xəstələrə işgəncə vermələri haqda fikirləri elə bir halda irəli sürülür ki, Ali-Xəlifə rejiminin məmurları vətəndaşlarına qarşı törətdikləri təcavüzlərinin davamında 5 günlük bir körpəyə qarşı gözyaşardıcı qazdan istifadə edib və körpənin şəhid olmasına səbəb olublar.