Ayətullahul-Üzma Seyyid Əli Sistaninin vəsiyyəti

Ayətullah Seyyid Əli Sistaninin Yeni Zellandiyadakı nümayəndəsi Hüccətül-İslam Seyyid Baqir Ələvi deyib ki, Ayətullah Sistani öz qohumlarına yazaraq vəsiyyət edib ki, onu anası Xanım Zəhra(s.ə) kimi sakit və hay-küysüz dəfn etsinlər. Həmçinin o vəsiyyət edib ki, onun dəfn mərasimi sıravi Nəcəf sakini dəfn mərasimindən fərqlənməsin, ölkə prezidenti və dövlət rəsmiləri həmin mərasimdə iştirak etməsinlər və mərasim televiziya vasitəsilə yayımlanmasın.

Seyyid Baqir Ələvi daha sonra deyib ki, Ayətullah Sistani həmçinin dini qorumağı, təlimlərinə əməl etməyi, təəssübdən, radikallıqdan və haram yeməkdən uzaq durmağı tapşırmışdır. Bütün İraq əhlinə isə dinc və təfriqə olmadan yaşamağı da tapşıran Ayətullah Sistani gələcək siyasi nəslə indiki siyasətçilər kimi harama düşməməyi tövsiyə edib.