Başına 5 milyon dollar qoyulan Ömər Şişaninin öldürüldüyü təsdiqlənib

İŞİD terror təşkilatı ABŞ-ın başına 5 milyon dollar qoyduğu Ömər Şişani adı ilə tanınan Tarkan Tayumurazoviç Batiraşvilinin öldürüldüyünü təsdiqləyib.

Ahlibeyt.az-ın Apa-ya istinadən verdiyi xəbərə görə,BBC-nin məlumatında qeyd olunur ki, bu barədə terror təşkilatının orqanı sayılan “Amag” agentliyi tərəfindən bildirilib.

Şişaninin İraqın Mosul vilayətinin cənubunda atışma zamanı məhv edildiyi bildirilir. Pentaqon daha əvvəl bir neçə dəfə 30 yaşlı terrorçunun öldürüldüyünü açıqlasa da, İŞİD bu məlumatları təkzib edib.

İŞİD-in “müharibə naziri” sayılan Şişani Gürcüstanda anadan olub. Çeçenistanda Rusiyaya qarşı döyüşlərdə iştirak etdiyi üçün ona “Çeçen Ömər” ləqəbi verilib. ABŞ 2014-cü ildə onun adını beynəlxalq terrorçular siyahısına salıb və başına 5 milyon dollar mükafat qoyub.

Qeyd edək ki,adı çəkilən terrorçunun bir neçə dəfə öldürüldüyü barədə məlumatlar yayılıb.Sonuncu dəfə ABŞ rəsmiləri onun martın 4-də Suriyada İŞİD mövqelərinin bombalanması nəticəsində öldüyünü bildirib.