Yəmənli uşaqdan BMT Baş Katibinə: "Səud rejimi məni də öldürəcək"

BMT-nin Sənada olan qərargahının önündə etiraz aksiyası keçirən yəmənli uşaqlar, təşkilatın son mövqeyinə etiraz ediblər.

Ahlibeyt.az-ın İslamazeri.az-a istinadən verdiyi xəbərə görə,BMT Baş Katibi Ban Ki Munun Səud rejimini qara siyahıdan çıxarmasından sonra yəmənli uşaq ona məktub ünvanlayıb.

BMT baş katibin ünvanlanmış məktubunda bildirilir: “Cənab Ban Ki Mun. Mən və dostlarım BMT-yə dəstək olmaq üçün pul yığmaq qərarına gəlmişik. Çünkü Səudiyyə Ərəbistanı maddi dəstəyini kəsəcəyini bildirib. Səudiyyə Ərəbistanından qorxmayın, çünkü onlar Yəmən xalqını öldürür, BMT-ni yox. Təhsilimi bitirdikdən sonra BMT rəhbəri olacağam və Səudiyyə Ərəbistanı məhkum edəcəyəm. Çünkü onlar sinifdə yanımda oturan dostum Əhmədi öldürdülər. Onlar məni təhdid edərsə, mən də onları təhdid edəcəyəm. Mən məktubda adımı yazmıram, çünkü Səudiyyə Ərəbistanı məni də öldürər və mən ölmək istəmirəm.”