İstanbulda Xanım Zəhra (s.ə) məscidinə hücum

İstanbulda Arnavutköy qəsəbəsində Xanım Zəhra (s.ə) məscidinə hücum edilib

Ahlibeyt.az-ın İslamazeri.az-a istinadən verdiyi xəbərə görə, hadisə həftənin çərşənbə axşamından cüməyə keçən gecə baş verib.

Naməlum şəxslər məscidin üst pəncərəsindən məscidə daxil olaraq məscidi yandırıblar. Məscid rəsmilərinin bildirdiyinə görə, naməlum cinayətkarların məscidin içindəki sədəqə qutularını  sındıraraq pulları orada saxlamaları, olayın oğurluq məqsədilə deyil sırf düşmənçiliklə edildiyini sübut etmiş olur.

Digər məlumata görə, canilr məscidin içinə bıçaq sancaraq olay yerindən qaçıblar. Polis hadisəni törədənlərin izini tapa bilməyib.

Qeyd edək ki, ötən il İstanbulda bir neçə şiə məscidinə hücumlar edilmiş, olayda İŞİD tərəfdarları günahkar bilinmişdi.