Hacı Abgülün qayınatası həbs olundu

Tanınmış ruhani Hacı Abgül Süleymanov və islam-azeri.az saytının baş redaktoru Hacı Ramin Bayramovun qayınatası Hacı Məsim Novruzov həbs olunub.

Bildirilir ki, "İmam Xomeyni" məscidinin axundu və icmasının rəhbəri Hacı Məsim Novruzov vergidən yayınma maddəsilə həbs olunub.

Suraxanı Rayon Məhkəməsinin hökmü ilə M. Novruzov 2 il müddətinə azadlıqdan məhrum edilib. Birinci məhkəmə instansiyasının hökmündən verilən apellyasiya şikayəti isə baxılması üçün hakim Həsən Əhmədovun icraatına verilib.

İttihama görə, Məsim Dəmir oğlu Novruzov Cinayət Məcəlləsinin 213.1-ci (xeyli miqdarda vergiləri və ya məcburi dövlət sosial sığorta haqlarını ödəməkdən yayınma) və 310-cu (özbaşına özünün vəzifəli şəxs kimi təqdim edilməsi və ya vəzifəli şəxsin səlahiyyətlərinin mənimsənilməsi ilə əlaqədar fiziki və ya hüquqi şəxslərin hüquqlarının və qanuni mənafelərinin əhəmiyyətli dərəcədə pozulmasına səbəb olan hərəkətlər törətmə) maddələri ilə təqsirləndirilib.

apa.az