İslam Konfransı GF-nin BMT Sivilizasiyalar Alyansının 7-ci Qlobal Forumunda sərgisi keçirilib

Məlum olduğu kimi, hal-hazırda Bakı şəhərində BMT-nin Sivilizasiyalar Alyansının VII Qlobal Forumu keçirilir.

Ahlibeyt.az-ın İslam.az-a istinadən məlumatına görə, Dialoq və Əməkdaşlıq uğrunda İslam Konfransı Gənclər Forumundan (İKGF)  verilən xəbərdə bildirilir ki,dünən sözügedən Qlobal Forum çərçivəsində Bakı Konqres Mərkəzində İKGF-nin təşkilatçılığı ilə “İdeyalar Marketi” adlı tədbir çərçivəsində daha öncə keçirilmiş “Photo4Tolerance” beynəlxalq layihəsinin təqdimat sərgisi keçirilmişdir.

2014-cü ildən etibarən İKGF, Azərbaycan hökuməti və BMT Sivilizasiyalararası Alyansının imzaladığı “Fəaliyyət Planı”na uyğun birgə əməkdaşlıq ilə keçirilən “Photo4Tolerance” layihəsi çərçivəsində dünyanın müxtəlif ölkələrindən olan gənc fotoqraflar müsabiqəyə dünyа dinlərin humanist ideyalarını özündə əks etdirən  1000-ə yaxın fotorəsm göndərmişlər. Bu rəsmlərin ən yaxşıları ötən illərdə bir neçə dəf keçirilmiş “Photo4Tolerance” və “Photo4Tolerance+” (plyus) sərgiləri çərçivəsində mükafatlandırılmış, müsabiqə davamlı xarakter almışdır.

Bu layihənin əsas məqsədi dünyada tolerantlıq və multkulturalizm ideyalarının yayılması və təbliğ edilməsi olmuşdur. Bakıda keçirilən fotosərgi bir sıra yerli və xarici iştirakçıların diqqətini çəkmiş, nümayiş etdirilən şəkillər müzakirələrə səbəb olmuşdur.

Qeyd edək ki, “Photo4Tolerance” layihəsi İKGF, Azərbaycan hökuməti və BMT Sivilizasiyalar Alyansının imzaladığı “Fəaliyyət Planı”nına daxil üç beynəlxalq layihənin biridir.