Bəhreyndə daha iki nəfər şəhid oldu (foto)

Bəhreyndən verilən son məlumatlara görə, Ali Xəlifə rejiminə etiraz edən Bəhreyn xalqı iki şəhid verib.

Bildirilir ki, Ali Xəlifə polisi etiraz aksiyalarında iştirak edən bir orta yaşlı və bir kiçik yaşlı bəhreynli şəhid edib. Bir neçə gün bundan öncə polis xidməti avtomobili ilə 16 yaşlı Əli Yusif əl-Sutravini şəhid etdiyi kimi bu dəfə də Hacı Əbdün-Nəbi Kazım adlı bəhreynlini avtomobillə vuraraq qətlə yetirib.

Həmçinin Şəhid Əli Yusifin əza məclisində iştirak edənləri dağıtmaq üçün polisin istifadə etdiyi gözyaşardıcı qazlardan zəhərlənən kiçik yaşlı bəhreynlinin həyatını itirdiyi bildirilir.

Qeyd edək ki, Bəhreyn inqilabçılarının şəhidlərinin sayı artıq 52 nəfərə çatmış oldu.