Mübarək Rəcəb ayının bütün günləri oruc tutmaq müstəhəbdir və günahların bağışlanmasına səbəb olar. Hər kəs qismət olan miqdarda bu günlərdən bəhrələnə bilər.

Rəcəb ayında ən azı 3 gün oruc tutmağın çox böyük fəziləti vardır. O kəslər ki, Rəcəb ayında oruc tutmaq imkanları yoxdur, onun yerinə sədəqə versinlər (imkanları çərçivəsində). Oruc tutmağa və sədəqə verməyə imkanı olmayan insanlar, əvəzində zikrlər deyə bilərlər.

Həzrət Rəsulallah (s) bir hədisdə belə buyurur: “Hər kim bu ayda oruc tuta bilməsə,hər gün yüz dəfə bu zikrlər desin və həmin günün orucunun savabını əldə etsin:

سُبْحَانَ الْإِلٰهَ الْجَلِيلِ، سُبْحَانَ مَنْ لَا يَنْبَغِى التَّسْبِيحُ إِلَّا لَهُ، سُبْحَانَ الْأَعَزَّ الْأَكْرَمِ، سُبْحَانَ مَنْ لَبِسَ الْعِزَّةَ وَ هُوَ لَهُ اَهْلٌ.

Subhanəl iləhəl-cəlil, subḥanə mən lə yənbəğit-təsbi͠ḥu illə ləh, subḥanəl əʻəzzil-əkrəm, subḥanə mən ləbisəl izzətə və huvə ləhu əhl

Tәrcümәsi

“pak və münəzzəhdir cəlil olan aləmlərin Rəbbi. Pak və münəzzəhdir o kəs ki, Ondan qeyrisi təsbihə layiq deyil. İzzətli və kərim Allah pak və münəzzəhdir. Pak və münəzzəhdir o kəs ki, izzət Onun əbasıdır və O, buna layiqdir.”

Əbu Səid Xudri nəql edir ki, Peyğəmbərdən (s) soruşdular:

يَا نَبِيَّ اللَّهِ فَمَنْ عَجَزَ عَنْ صِيَامِ رَجَبٍ لِضَعْفٍ أَوْ لِعِلَّةٍ كَانَتْ بِهِ أَوِ امْرَأَةٌ غَيْرُ طَاهِرَةٍ يَصْنَعُ مَا ذَا لِيَنَالَ مَا وَصَفْتَ

“Ey Allahın Rəsulu (s)! Rəcəb ayında zəiflik və ya xəstəlik ucbatındanə oruc tutmağa aciz olanlar, eləcə də, pak olmayan qadınlar bu savaba çatmaq üçün nə etsinlər?”

Peyğəmbər (s) buyurdu:

يَتَصَدَّقُ فِي كُلِّ يَوْمٍ بِرَغِيفٍ عَلَى الْمَسَاكِينِ وَالَّذِي نَفْسِي بِيَدِهِ إِنَّهُ إِذَا تَصَدَّقَ بِهَذَا الصَّدَقَةِ فَيَنَالُ مَا وَصَفْتُ وَ أَكْثَرَ إِنَّهُ لَوِ اجْتَمَعَ جَمِيعُ الْخَلَائِقِ عَلَى أَنْ يُقَدِّرُوا قَدْرَ ثَوَابِهِ مِنْ أَهْلِ السَّمَوَاتِ وَ الْأَرَضِينَ مَا بَلَغُوا عُشْرَ مَا يُصِيبُ فِي الْجِنَانِ مِنَ‏ الْفَضَائِلِ وَ الدَّرَجَاتِ

“Hər gün yoxsullara bir çörək versin. And olsun canımın sahibinə, əgər bu sədəqəni versə, Rəcəb ayında oruc tutan şəxsə verilən savaba, hətta daha artığına nail olacaqdır. Belə ki, bütün yaranmışlar onun savabını saymaq üçün bir yerə toplaşsalar da, cənnətdə ona veriləcək fəzilət, məqam və dərəcələrin ondan birini hesablayıb qurtara bilməyəcəklər.”

Süfyan Suri Rəcəb ayında verilən sədəqə və möhtaclara yardımın əhəmiyyəti və savabı ilə bağlı İmam Sadiqdən (ə), o həzrət də ata-babalarının vasitəsilə İmam Əlidən (ə) belə nəql edir:

مَنْ تَصَدَّقَ بِصَدَقَةٍ فِي رَجَبٍ ابْتِغَاءَ وَجْهِ اللَّهِ أَكْرَمَهُ اللَّهُ يَوْمَ الْقِيَامَةِ فِي الْجَنَّةِ مِنَ الثَّوَابِ به مَا لَا عَيْنٌ رَأَتْ وَ لَا أُذُنٌ سَمِعَتْ وَ لَا خَطَرَ عَلَى قَلْبِ بَشَرٍ؛

“Hər kəs Rəcəb ayında Allah yolunda xalis niyyətlə sədəqə verərsə, Allah-Taala Qiyamət günü ona cənnətdə elə bir mükafat əta edər ki, onun mislini görən, eşidən və qəlbindən keçirən olmaz.” (“Fəzailu əşhuris-səlasə” (Üç ayın fəzilətləri), Şeyx Səduq, “Rəcəb ayının fəzilətləri” bölümü.)

Bir hədisdə də belə buyurulur:

إنَّ الصَّدَقَةَ عَلَی مِسْکِینٍ به مدٍّ مِنَ الطَّعَامِ یَقُومُ مَقَامَ یَوْمٍ مِنْ مَنْدُوبَاتِ الصِّیَامِ، وَ رُوِیَ عُوِّضَ عَنْ یَوْمِ الصَّوْمِ دِرْهَمٌ

“Həqiqətən, yoxsula bir “müd təam” (750 qram buğda, arpa...) sədəqə vermək bir gün müstəhəb orucu əvəz edir. Başqa rəvayətdə buyurulur ki, bir dirhəm sədəqə vermək bir gün müstəhəb orucu əvəz edir.”

(“Biharul-ənvar”, 97-ci cild, səh.42, “İqbalul-əmal” kitabından)