Bəşər Əsəd: Suriya federativ qurluş üçün çox kiçikdir

Suriya Prezidenti Bəşər Əsəd ölkədəki kürd azlığa bağlı PYD-nin fererasiya fikrinə təpki göstərərək bildirib ki, Suriya federasiya üçün çox kiçikdir və buradakı xalqlar ölkə daxilində olduqca kompakt şəkldə yaşayırlar.

Ahlibeyt.az-ın verdiyi məlumata görə,bunu Suriyada səfərdə olan Fransa nümayəndə heyətinin üzvü deputat Nikolas Dyuk ölkə prezidenti Bəşər Əsədlə görüşdən sonra Sputnik-ə açıqlamasında bildirib.

Cümə günü Fransanın böyük müxalif qüvvələrindən olan Respublika Partiyasının üzvləri Suriyaya səfər edib, dini və siyasi xadimlərlə görüşlər keçiriblər. Nümayəndə heyəti suriya prezidenti B. Əsədlə görüşüb.

N. Dyuik deyib ki, B. Əsəd görüşdə  Suriya kürdlərinın federasiya fikirlərinin məqbul olmadığını bildirib və qeyd edib ki,ölkədə kürdlər məskunlaşdığı bölgələrin yalnız 30 faiz əhalisini təşkil edirlər,bu səbəbdən öz vilayətlərində belə etnik azlıq təşkil edəcəklər.

B. Əsəd görüşdə bu ilin yayında, ABŞ-da prezident seçkilərinə qədər Suriyada konflikt tərəfləri arasında münaqişənin sülh yolu ilə tənzimlənməsi ilə bağlı  razılaşma əldə ediləcəyinə ümidvar olduğunu da vurğulayıb.

Suriya prezidenti Bəşər Əsədin Suriyada mərkəzi hakimiyyət modeli dəyişməz qalmasını və ölkədə yeni bir idarəetmə modelinin tətbiqi düşünmədiyini bildirən Fransız parlamentari qeyd edib ki,"Bəşər Əsədə görə Suriyada bəzi vilayətlərə daha çox azadlıq verilə bilər,likin mərkəzi hökumətin vahidliyi modeli dəyişməz qalmalıdır."