Rəsmi açıqlama: İstanbuldakı terroru İŞİD üzvü törədib

Türkiyənin daxili işlər naziri Efkan Ala martın 19-da İstanbulun Taksim meydanında 4 nəfərin ölümü, 39 nəfərin yaralanması ilə nəticələnən qanlı terror aktını törədən terrorçu kamikadzenin kimliyi açıqlayıb.

Ahlibeyt.az-ın verdiyi xəbərə görə,"Anadolu" Agentliyinin yaydığı rəsmi məlumatda bildirilir k, terror aktını 1992-ci il təvəllüdlü, ölkənin Qaziantep bölgəsində pasport qeydiyyatında olan Mehmet Öztürk törədib. Terorçunun şəxsiyyəti onun qohumlarından götürülmüş qan nümunələri əsasında müəyyən edilib.

Türkiyənin daxili işlər naziri Efkan Ala hadisə barədə açıqlamasında bildirib ki, terrorçu-kamikadzenin İŞİD mənsubu olduğu barədə faktlar mövcuddur. Məlumata görə, 0, 2013-cü ildən İŞİD-ə qoşulub.

Olayla əlaqəli Mehmet Öztürkün atası və qardaşı da daxil olmaqla 5 nəfər saxlanılıb.

Qeyd edək ki,rəsmi açıqlamalara görə, martın 19-da İstanbulun Bəyoğlu rayonunun İstiqlal prospektində törədilmiş partlayışda 4 nəfər həlak olub,20 nəfər yaralanıb.Hadisə icra hakimiyyətinin binası qarşısında baş verib. Partlayışda terrorçu-kamikadze ilə birlikdə daha 4 nəfər həyatını itirib.