Dünyanın ən qədim İslami kitabxanası təmir olunur

Mərakeşin Fəs şəhərində  yerləşən dünyanın ən qədim İslami kitabxanası kimi tanınan “Əl-Qarauin” qədim elmi mərkəz və kitabxana kompleksində təmir və bərpa işləri aparılır.

Ahlibeyt.az-ın Maide.az-a istinadən məlumatına görə, bu kompleksin tarixi 12-ci əsrə qayıdır. Hazırda təmir-bərpa işləri davam etdirilir  və ilin sonunadək təmir işlərinin yekunlaşacağı bildirilir.

Kompleksin təmirinə milyonlarla vəsait ayrılıb. Kitabxana kompleksi  Mərakeş əsilli Amerikalı  memar təmir edir.

“Əl-Qarauin” qədim kitabxana kompleksi 859-cu (miladi) ildə  Fatimə əl-Fəhri adında  Tunisli bir tacirin qızı tərəfindən Fəs şəhərində tikilib. Bu xanım  alimə və möminə bir xanım olub. Əhd edib ki, bütün var dövlətini  elmi,dini mərkəz və məscidin tikintisinə sərf edəcək.

Yunesko-nun məlumatına görə, bu kompleks dünyanın ən qədim təhsil müəssisəsidir.  Dünyanın ən qədim təhsil ocağı olduğu üçün burada məşhur şairlər, ariflər, iqtisadçılar , tarixçilər və filosoflar  o cümlədən XIV əsrdə  İbn Ərəbi və İbn Haldun kimi şəxsiyyətlər  təhsil  alıb. Bu kitabxana və elmi mərkəz orta əsrlərdə avropalılar və müsəlmanlar arasında bilik transferində böyük rol oynayıb.