Səudiyyə Ərəbistanı və İran arasında ixtilafların həllində vasitəçilik etməyə hazırıq

Bölgədə baş verən məzhəb qarşıdurmalarında qalib yalnız ABŞ və İsraildir.

"Sədr" hərəkatının lideri Hüccətül-İslam Seyyid Müqtəda Sədr əl-Ərəbiyyə telekanalına verdiyi müsahibəsində bildirib ki, "Sədr" hərəkatı ABŞ ordusunun İraqı tərk etməsində təkidlidir. Çünki onların İraqı tərk etməsilə İraq höküməti ölkəni idarə etməni tam əlinə alacaqdır və hökümət İraqın təhlükəsizliyini təmin etməyin öhdəsindən gələcəkdir.

ABŞ ordusunun İraqı tərk etdikdən sonra "Mehdi ordusun"nun silahı yerə qoyacağını bildirən Müqtəda Sədr bildirib ki, "Mehdi ordusu" silahı yerə qoyduqdan sonra ölkədə dini və mədəniyyət fəaliyyəti ilə məşğul olacaqdır.

İraqın işğalından sonra İraqda və bölgədə məzhəb qarşıdurmasının artdığını bildirən Müqtəda Sədr bildirib ki, əgər bu qarşıdurma durmazsa, bundan mənfəət əldə edən yalnız ABŞ və İsrail olacaqdır. Məhz bu səbəbdən qarşıdurmanın və ixtilafların həlli üçün İran və Səudiyyə Ərəbistanı arasında tərəflərin razılığı ilə vasitəçi olmağa hazırıq.