İŞİD son 5 ayda ən irimiqyaslı hərbi əməliyyat keçirib, toqquşmalarda yüzlərlə terrorçu öldürülüb

İŞİD terrorçuları son 5 ay ərzində İraqın şimalında ən böyük hərbi əməliyyat həyata keçirib

Ahlibeyt.az-ın Apa-ya istinadən xəbərinə görə, bu barədə The “New York Times” nəşri məlumat yayıb.

Məlumatda bildirilir ki, hücuma əsasən kürd döyüşçülərin (Peşmərgə) Başika düşərgəsindəki mövqeləri, Narvan və Tal-Asvad yaşayış məntəqələri məruz qalıb.

Hücumun qarşısı ABŞ rəhbərliyi altında koalisiyanın dəstəyi ilə alınıb.

Aviazərbələr nəticəsində təxminən 280 terrorçu öldürülüb. Toqquşmalarda kürdlər də onlarla döyüşçü itib.

Qeyd edilir ki, hücumda məqsəd koalisiya qüvvələrinin zəiflədilməsi və Mosulun geri qaytarılmasına hazırlıq olub.