Müsəlmanlara qarşı bəyanat Trampa baha başa gəldi

Donald Trampın prezidentliyə namizədliyi ləğv edilə bilər - ABŞ-da Respublikaçılar partiyasından prezidentliyə namizədliyini irəli sürən milyarder Donald Trampın namizədliyi ləğv edilə bilər

Ahlibeyt.az-ın Anspress-ə istinadən məlumatına görə, belə bir bəyanatla Ağ Ev rəsmiləri çıxış ediblər.

"Trampın müsəlmanlarla bağlı şərhi onu demək olar ki, prezidentlik hüququndan məhrum edib" - deyə Ağ Evin mətbuat katibi Coş Ernst bildirib. "İndi bizim öyrənmək istədiyimiz əsas məsələ - digər respublikaçı-namizədlərin ona səs verib verməyəcəyidir. Trampın dedikləri onu prezident postuna dair aparılan mübarizədən diskvalifikasiya etməlidir."Ağ Evin nümayəndəsi həmçinin bildirib ki, siyasətçinin ifadələri ölkənin milli təhlükəsizliyinə hədədir.

Nüfuzlu “Financial Times” qəzeti yazır ki, Donald Trampın bu çıxışı Azərbaycana yatırdığı sərmayəsini təhlükə altına atır.

Bu 69 yaşlı Donald Trampın ilk qalmaqallı açıqlaması deyil. Bu ilin iyunun16-da ABŞ prezidentliyinə namizədliyini irəli sürdüyü haqda açıqlama verən milyarder meksikalı miqrantları cinayətkar adlandırıb. Onun sözləri dünyada birmənalı qarşılanmayıb.