Kərbəlaya "Ərbəin" mərasiminə gələn zəvvarların sayı 26 milyonu ötdü

Bu il Kərbəlaya İmam Hüsey(ə)ın Ərbəin mərasiminə(İmamın Şəhadətinin 40 mərasimi)gələn zəvvarların sayı 26 milyonu ötüb

Ahlibeyt.az-ın Faktxeber-ə istinadən verdiyi xəbərə görə, bu barədə Alsumaria.tv məlumat yayıb.

Bu il İmam Hüseynin(ə) Ərbəin mərasimində iştirak etmək üçün İraqın Kərbəla şəhərinə ziyarətə gələn zəvvarların sayı pik həddə çatıb.

İraqın Nəqliyyat Naziri Baqir Əl-Zubeydi bununla bağlı açıqlamasında vurğulayıb ki, hal-hazırda Kərbəla şəhərinə daxil olan zəvvarların sayı 26 milyon nəfərdir.

Dünyanın ən böyük ictimai toplusu kimi qeydə alınan Ərbəin zəvvarlarının bu ilki sayı ötən illərə nisbətən demək olar 2 dəfə artıb.

60 ölkədən artıq zəvvar axını ilə üzləşən Kərbəla və ətraf şəhərlər, terror təhlükəsinin olmasına baxmayaraq, İraq təhlükəsizlik qüvvələri tərəfindən yüksək səviyyədə qorunmaqdadırlar.

Gələn zəvvarların əksəriyyəti yüzlərlə kilometr məsafəni piyada qət edərək, Kərbəla şəhərinə çatıblar.

Qeyd etmək lazımdır ki, bu ilki Kərbəla zəvvarlarının sayı Həcc mərasimində iştirak edənlərin sayından təxminən 10 dəfə artıq olub.